CHINA, NANGAKO NG MAS MALAKING TULONG SA MARAWI

Tiniyak ng China ang karagdagang ayuda para sa muling pagbangon ng Marawi City na winasak ng digmaan.
Sinabi ng Department of Foreign Affairs (DFA) na inanunsyo ni Chinese Foreign Minister Wang Yi ang karagdagang assistance na kinabibilangan ng emergency supplies na gagamitin ng mga evacuees mula sa Marawi at sa muling pagbangon ng lungsod.
Si Minister Wang ay nagsagawa ng State Visit sa Maynila noong Hulyo 24 hanggang 25, kasunod ng imbitasyon ni Foreign Affairs Secretary Alan Peter Cayateno.
Ginarantiyahan din ni Minister Wang ang kahandaan ng China na ipagpatuloy ang seryosong commitment para mapagtibay ang pagtitiwala sa pagitan ng dalawang bansa at palawakin ang kooperasyon at suporta sa Pilipinas.
Noong nakaraang buwan ay nag-donate ang Chinese government ng P15 million para sa relief and rehabilitation sa Marawi City.
Umabot na sa ikatlong buwan ang digmaan sa lungsod matapos isailalim ni Pangulong Rodrigo Duterte sa martial law ang Mindanao noong Mayo 23.
Sa bilateral meeting noong Hulyo 25, tinalakay nina Cayetano at Wang ang magandang improvement sa relasyon ng Pilipinas at China sa ilalim ng liderato nina Pangulong Duterte at Chinese President Xi Jinping. (DZME News Team)

Advertisements

SINO-ASEAN COOPERATION SA AGRIKULTURA, PALALAKASIN

Isiniwalat ni Wang Lei, Secretary General ng China-ASEAN Expo (CAExpo), na sa gaganaping Ika-14 CAExpo mula Setyembre 12 hanggang 15, palalawakin ang saklaw ng pabilyong agrikultural upang komprehensibong ibida ang natamong bunga ng kooperasyong Sino-ASEAN sa larangang agrikultura at ipagkaloob ang plataporma sa malalimang pag-unlad ng kooperasyong ito.
Sa mga nakalipas na taon ay walang tigil ang kooperasyong Sino-ASEAN sa agrikultura at unti-unting lumalakas ang kalakalan ng dalawang bansa sa mga produkto, at madalas ang kanilang pagpapalitan sa teknolohiyang agrikultural. Lumitaw na ang “virtuous circle” sa nasabing kooperasyon ng dalawang panig, dagdag pa ni Wang.
Sinabi naman ni Michael Kelly Pe Tiulim, Presidente ng Communication Commission ng Zamboanga, na sa kasalukuyan, mainam ang kapaligiran ng kooperasyong pangkabuhayan at pangkalakalan ng Pilipinas at Tsina.

Aniya, sa pamamagitan ng magkasamang pagsisikap ng dalawang panig, tiyak na ibayo pang susulong ang kalakalan ng mga produktong agrikultural upang pataasin ang kita ng mga magsasakang Filipino at mabawasan ang mahihirap sa bansa. (CRI/DZME)

AFCA, MAGSISILBING PLATAPORMA NG FINANCIAL COOPERATION SA ASYA

Sa seremonya ng inagurasyon ng Asian Financial Cooperation Association(AFCA), ipinahayag ni Chinese Vice Premier Ma Kai na bilang isang panrehiyong organisasyong pinansyal, na itinaguyod ni Chinese President Xi Jinping sa 2015 Boao Forum for Asia, magsisikap ang AFCA, tulad ng Asian Infrastructure Investment Bank (AIIB) para sa pagtatatag ng platapormang pangkooperasyon ng mga organong pinansyal ng Asya.
Ipinahayag ni Jin Liqun, Presidente ng AIIB na palalawakin pa nila ang pakikipagtulungan sa AFCA, at iba pang Asian counterpart sa larangan ng liquidity.
Sa kasalukuyan, 107 organong pinansyal mula sa 27 bansa sa daigdig ang miyembro ng AFCA. (CRI/DZME)

PILIPINAS, TINANGGIHAN ANG PAGHO-HOST NG 2019 SOUTHEAST ASIAN GAMES

Sa liham na ipinadala kamakailan sa National Olympic Committee ng Pilipinas, ipinahayag ni William Ramirez, Tagapangulo ng Kagawarang Pampalakasan ng Pilipinas na hindi idaraos sa bansa ang 2019 Southeast Asian Games, dahil sa kalagayang panseguridad sa bahagi ng Mindanao.
Gayunman, tiniyak ni Ramirez na dadalo ang Pilipinas sa 2017 Southeast Asian Games at 2020 Olympic Games. (CRI/DZME)

HAINAN NG CHINA AT PALAWAN NG PILIPINAS, MAGKAIBIGANG PROBINSYA

Bumiyahe kamakailan sa Pilipinas ang delegasyon mula sa probinsya ng Hainan sa China na pinamunuan ni Liu Cigui, Hainan Provincial Party Secretary.
Magkasamang nilagdaan nina Liu at Governor Jose Alvarez ng Palawan ang kasunduan ng pagtatatag ng relasyong pangkaibigan ng dalawang probinsya.
Alinsunod sa kasunduan, sa loob ng limang taon ay ipagkakaloob ng Hainan ang 50 Government Full Scholarship sa mga guro at estudyante ng Palawan, at hihikayatin silang magpunta sa Hainan para magkaroon ng pagpapalitan at pag-aaral.
Bukod dito, ipapadala ng Hainan ang mga Chinese teachers para maidaos ang Chinese training classes para sa mga public servants ng lalawigan ng Palawan. (CRI/DZME)

MGA GURO NG WIKANG TSINO AT PILING TALENTO NG MGA SAMAHAN NG ASEAN, SUMABAK SA WORKSHOP

Nanning, Rehiyong Awtonomo ng Guangxi ng Tsina—Binuksan kahapon, Hulyo 17, 2017 ang talent workshop ng mga guro ng wikang Tsino at piling talento ng mga samahan sa ibayong dagat.

Tatagal ng 15 araw ang nasabing workshop na nilalahukan ng mahigit 30 miyembro mula sa mga bansang ASEAN, gaya ng Thailand, Laos, Vietnam at iba pa.
Sa seremonya ng pagbubukas ng workshop, sinabi ni Chen Jie, Pangalawang Direktor ng Tanggapan ng mga Suliraning ng Overseas at Ethnic Chinese ng Guangxi, na kasabay ng pagsulong ng konstruksyon ng Belt and Road, unti-unting pinahahalagahan ng komunidad ng daigdig ang pag-aaral ng kulturang Tsino, at nagsisilbing pangkagipitan ang pagdaragdag ng mga guro ng wikang Tsino at pagpapataas ng kanilang kakayahan.

Ito aniya ang kauna-unahang pagkakataon na sumali sa workshop ang mga lider ng samahan ng mga overseas at ethnic Chinese. Layon nitong sanayin ang mas maraming de-kalidad ng guro ng wikang Tsino, at isulong ang pagpapalaganap ng kulturang Tsino, dagdag pa ni Chen. (CRI/DZME)