50th ASEAN MINISTERIAL MEETING AT POST-MINISTERIAL CONFERENCES, BINUKSAN NA SA MANILA

Binuksan na noong ika-2 ng Agosto ang 50th Association of South East Asian Nations Ministerial Meeting (AMM) at Post-Ministerial Conferences.

Sa 7 araw na pagtitipon ay sasariwain ng mga kalahok ang resulta at ang direksyong tinatahak ng konstruksyon ng ASEAN community, at inaasahang tatalakayin din ang mga isyung panrehiyon at pandaigdig.
Bilang host, pangungunahan ni Foreign Affairs Secretary Alan Peter Cayetano ang sesyong plenaryo ng Foreign Ministers’ Meeting ng ASEAN, at dadalo rin sa mga may-kinalamang aktibidad.
Kasabay ng 50th Foreign Ministers’ Meeting ng ASEAN, idaraos din sa Manila ang 7th East Asia Summit (EAS) Foreign Ministers’ Meeting, 18th ASEAN Plus Three (APT) Foreign Ministers’ Meeting at 24th ASEAN Regional Forum ( ARF) Plenary.
Samantala, sa magkakahiwalay na okasyon, makikipag-usap ang ASEAN sa kanilang 10 kadayalogong bansa. (CRI/DZME)

CHINESE FOREIGN MINISTER, DADALO SA ASEAN MEETINGS SA PILIPINAS

Lalahok si Chinese Foreign Minister Wang Yi sa serye ng pulong ng Association of Southeast Asian Nations (ASEAN) na idaraos sa Maynila mula ika-6 hanggang ika-8 ng Agosto, alinsunod sa imbistasyon ni Foreign Affairs Secretary Alan Peter Cayetano.
Kinumpirma ito ni Geng Shuang, Tagapagsalita ng Ministring Panlabas ng Tsina.
Kabilang sa mga pulong na dadaluhan ni Minister Wang ang Pulong ng mga Ministrong Panlabas ng ASEAN at China (10+1), Pulong ng mga Ministrong Panlabas ng ASEAN, China, Japan at South Korea (10+3), Pulong ng mga Ministrong Panlabas ng East Asia Summit (EAS) at Pulong ng mga Ministrong Panlabas ng ASEAN Regional Forum (ARF).

Lalahok din si Wang sa mga aktibidad bilang pagdiriwang sa ika-50 anibersaryo ng pagkakatatag ng ASEAN. (CRI/DZME)

“EMBRACE CHINA”, TAGUMPAY NA ITINANGHAL SA MELBOURNE

Tagumpay ang naging pagtatapos ng “Embrace China” na itinanghal ng Xiaobaihua Yue Opera Troupe sa Melbourne, Australia sa pamamagitan ng All-China Federation of Returned Overseas Chinese (ACFROC).
Napuno ang teatro sa nasabing pagtatanghal kung saan kabilang sa mga nanood ang mga kinatawan mula sa Returned Overseas Chinese sa Melbourne, domestic at foreign drama experts, media representatives at local audiences.
Ang “Embrace China” Oceana Tour ay nagtanghal sa apat na lungsod sa Australia, kabilang ang Perth, Sydney, Canberra at Melbourne.

Lahat ng performances ay inorganisa ng Ostar International Media Group.

CHINA AT CAMBODIA, LUMAGDA SA 10 KASUNDUAN

Phnom Penh — Ginanap kahapon, Hulyo 27, ang seremonya ng paglagda sa kasunduan ng sampung (10) proyektong pangkooperasyon ng probinsya ng Hainan sa Tsina at Cambodia.
Ang mga ito ay nagkakahalaga ng mahigit 250 milyong dolyar.
Ipinahayag ni Lv Yong, Pinuno ng Departamento ng Komersyo ng Hainan, na mahigpit ang pagpapalagayang pangkabuhayan at pangkalakalan, at pagpapalitang pangkultura sa pagitan ng Cambodia at Hainan.
Aniya, ang paglagda sa nasabing kasunduan ay makakapagpatingkad ng positibo at pangmalayuang katuturan para sa pagpapalalim ng pragmatikong kooperasyon ng dalawang bansa sa mga kaukulang larangan. (CRI/DZME)

IMPORTASYON NG FUJIAN MULA SA ASEAN, LUMAKI

Kinumpirma ng adwana sa lungsod ng Xiamen sa China na simula noong Agosto ng nagdaang taon ay nananatiling malaki ang pag-aangkat ng probinsya ng Fujian mula sa Association of Southeast Asian Nations (ASEAN).
Sa iba’t-ibang bansa sa ASEAN, ang Pilipinas ang pinakamalaking trade partner ng Fujian.
Sa datos ng adwana, sa unang anim na buwan ng 2017 ay pumalo sa mahigit 23.9 bilyong Yuan, RMB ang kabuuang halaga ng pag-aangkat at pagluluwas ng Fujian sa Pilipinas.
Mas malaki ito ng 10.9% kumpara sa kaparehong panahon noong nananakaraang taon.
Ang Indonesia naman ang nagsisilbing ikalawa sa pinakamalaking trade partner ng Fujian sa mga bansang kasapi ng ASEAN. (CRI/DZME)

SINO-ASEAN, ISINUSULONG ANG PAGBABAWAS NG KAHIRAPAN

Siem Reap, Cambodia — Idinaos ang Ika-11 China-ASEAN Forum on Social Development and Poverty Reduction mula ika-25 hanggang ika-27 ng Hulyo.
Mahigit 120 personalidad na kinabibilangan ng mga opisyal, eksperto at iskolar mula sa China at 10 bansang kasapi ng Association of Sotheast Asian Nations (ASEAN), ang dumalo sa pagtitipon.
Kasama rin sa dumalo ang mga kinatawan ng mga kumpanyang pinopondohan ng China at mga kinatawan ng international organizations.
Tinalakay sa forum ang mga paksa gaya ng inobasyon at matagumpay na pagpapatupad ng China at mga bansa sa ASEAN sa ideya at polisiya sa pagbabawas ng kahirapan, pagsusulong ng kooperasyong Sino-ASEAN sa pagbabawas ng kahirapan, at pagsasakatuparan ng China at mga bansa sa ASEAN sa 2030 Sustainable Development Goals.
Sa mga nakalipas na taon ay lumalim pa ang kooperasyong Sino-ASEAN sa pagbabawas ng kahirapan. Saklaw ng larangang pangkooperasyon ng dalawang panig ang maraming aspeto. (CRI/DZME)

BAGONG “ERA” NG RELASYONG ASEAN-CHINA, ISINUSULONG NG CHINESE TOP DIPLOMAT

Isinusulong ng Chinese top diplomat ang bagong era ng pagkakaisa sa pagitan ng China at ng mga bansang kasapi ng Association of Southeast Asian Nations (ASEAN) para palakasin pa ang China- ASEAN strategic partnership.
Sinabi ni Foreign Ministry spokesman Lu Kang na ginawa ni Chinese Foreign Minister Wang Yi ang panukala noong Miyerkules sa isang tanghalian na isinagawa para sa mga ambassadors to China mula sa 10 ASEAN countries.
Aniya, inilatag ni Foreign Minister Wang Yi ang three-point proposal upang gumanda pa ang relasyon ng China at ASEAN.
Binigyan diin din ni Wang na kailangan ng mga bansa sa East Asia na samantalahin ang mga oportunidad para sa mas malawak na kooperasyon patungo sa progresibo at matatag na Asian region.
Hinimok din ni Wang ang mga ASEAN ambassadors na panatilihin ang positibong pananaw sa isyu ng South China Sea at iwaksi ang alitan.
Noong Mayo ay nakumpleto ng senior officials ng ASEAN-China ang draft framework para sa Code of Conduct sa South China Sea.
Isusumite ang nasabing draft sa susunod na buwan sa China-ASEAN Foreign Ministers’ Conference sa Pilipinas.
Ang Pilipinas na chairman ng ASEAN ngayong taon, ay gumanda ang relasyon sa China matapos isantabi ni Pangulong Rodrigo Duterte ang ruling ng arbitral tribunal sa agawan ng teritoryo sa South China Sea.
Pinulong ni Wang ang 10 ASEAN ambassadors at mga kinatawan isang araw matapos itong bumalik mula sa produktibong pagbisita sa Thailand at Pilipinas. (DZME News Team)